Frábært - æðislegt!

Rosalega er ég ánægður með þetta framtak hjá Office 1. Sem vinnandi einstaklingur getur verið erfitt að útrétta allt sem maður þarf að gera á hinum hefðbundna vinnudagi. Maður hefur aldrei nægan tíma til að taka þáttí neyslunni.

Mig hlakkar gríðarlega til að fara með börnin mín að velja skólatöskur, strokleður og pennaveski kl. 03:30 aðfaranótt þriðjudagsinns...

Skóladót allan sólarhringinn

Kaldhæðnislegt

Það verður að teljast kaldhæðnislegt að hluti þeirra sem földu sig í vatnstaknum skyldi þjást af ofþornun...

Ljósi punkturinn er þó að engin þeirra lést eins maður les oft um þegar verið er að reyna að smygla fólki milli landa.

Földu sig í vatnstrukki

Ekki sama hvað það er

Það má ekki senda þyrluna upp á hálendið til að sækja slasaðan einstakling nema hann sé á barmi dauða. Samkvæmt skilgreiningu sjúkrahúsanna teljast beinbrot til alvarlegra áverka en samt hefur notkun þyrlu til að sækja þannig slasaðan einstakling upp á hálendið verið hafnað.

Svo sprellar einn í Esjunni og þá má nota þyrluna til að leita... Einnig mátti nota þyrluna til að leita af bankaræningja í Hafnarfirði um daginn sem komst undan með minna fé en það kostar ríkið (okkur) að senda þyrluna á loft!

Það er eitthvað bogið við þetta...

Líklega er þó Esjugögnumaðurinn eitthvað andlega óheilbrigður og þurfi björgun frekar en að vera handtekinn fyrir að striplast.

Maðurinn enn ófundinn

Og krónubréf í ofanálag

Við erum ekki bara að horfa á að gengisvísintalan hafi í fyrsta skipti verið yfir 160 stig í lok viðskiptadags heldur stefnir í skemmtilega (...eða ekki) lokun vikunar þar sem krónubréf að nafnvirði 15 milljarða falla í gjaldaga í vikulok. Ég held að engin sé í vafa um það að þeim aurum verður ekki endurfjárfest vegna aðgengis að erlendum gjaldeyri.

Síðari hluti árs er ekki fegurri þegar litið er til þess sama. Þetta er glæsilegt ár... eða þannig.

Gengi krónunnar aldrei lægra

Löngu tímabær viðbót

Það er löngu tímabær viðbót fyrir slökkvi- og sjúkralið að taka mótorhjól í sína þjónustu. Mótorhjólin eru bæði meðfærilegri og sneggri ásamt því að vera ódýr í rekstri.

Það er öllum ljóst sem hugsa aðeins um kosti mótorhjólsins sem björgunartækis að hér er á ferðinni einstakt tæki sem gerir ekkert annað en að auðvelda björgunarfólki lífið, stytta viðbraðgstíma og mögulega bjarga fleiri mannslífum, sem jú allt snýst um.

Mótorhjólin eru ekki einungis sneggri á staðinn þar sem þau geta farið eftir óhefðbundnum leiðum sem stærri ökutæki komast ekki heldur geta þau ekið jafnvel alveg upp að sjúklingnum til að veita hjálp á meðan hefðbundin ökutæki björgunarliðs verða að stöðva þar sem vegur endar og hlaupa þann spotta sem eftir er.

Eins og ég segi... þetta er löngu tímabært en auðvita á það að vera á kostnað hins opinbera en ekki á einkafaratæki viðkomandi björgunarmanns eins og mig grunar að sé í þessu tilfelli sem mbl.is skrifar um. Hið opinbera á að festa kaup á einu til tveimur mótrhjólum sem björgunartækjum.

Það vona ég björgunarmannsinns vegna að hann hafi samið vel við vinnuveitandann sinn um hvernig tryggingum og ábyrgð á hans einkatæki sé háttað ef hann er að nota það í þágu vinnuveitandans.

Akið varlega.

 

Við öllu búnir

Eru íslendingar húmorssnauðir?

Meinfyndni hefur lengi loðað við mig og minn félagsskap og skemmt okkur um áraraðir. Ég er reyndar þeirrar skoðunar að flestum íslendingum finnist gaman að meinfyndni og að því leiti eru þeir líklega ekki húmorssnauðir... nema sumir...

Ég skrifaði blogg við frétt á mbl.is fyrr í dag sem lagðist svona agalega illa í nokkra lesendur. Var kallaður illum nöfnum, ég ætti að skammast mín, væri ógeðslegur og þar fram eftir götunni. Ég bara get ekkert af því gert að hafa dálítið dökkan húmor og mér finnst það bara í góðu lagi.

Það fólk sem ekki skilur meinfyndin húmor og vill finna því allt til foráttu með upphrópunum og svívirðingum getur líka látið mig (okkur) sem líkar vel við slíkan húmor vera og sleppa því að lesa svara slíkum bloggfærslum. Þeir geta alveg eins látið það vera að ergja sig og mig með sínum reiðilestri sem skilar því engu...

Rakst á nokkuð skemmtilega grein á netinu eftir Eggert Þór Bernharðsson og langar til að deila með ykkur hluta af því:

"Gunnar frá Selalæk var þeirrar skoðunar að Íslendingar stæðu útlendingum síður en svo að baki hvað fyndni og kímni varðaði. Skopsögur þeirra væru þvert á móti mergjaðri og hvassari en flestra annarra þjóða. Hins vegar bæri meira á meinfyndni (satire) og kaldhæðni (kynisme) en kímni (humor) eða gamansemi, heldur en með flestum öðrum þjóðum. Þetta einkenni taldi hann liggja í eðli þjóðarinnar og rakti það allt til upphafs byggðar á Íslandi og vísaði í fornsögur máli sínu til stuðnings. Sennilegt væri og að þetta stafaði einnig nokkuð af því að í landi kunningsskaparins hefði nánast hver þekkt annan. Og hann var sömu skoðunar og Helgi Sæm. um það að hörð barátta þjóðarinnar við óblíð náttúruöfl og þrengingar hennar fyrr á tímum ætti ennfremur hlut að máli. Á hinn bóginn hefði það einkennt Íslendinga frá því sögur fóru fyrst af, að þeir hefðu allra þjóða verst þolað að fyndni og háðsyrðum væri beitt við þá..."

Skemmtileg grein sem er að finna í heild sinni á http://www.hi.is/~eggthor/fyndniarshatid.htm

Já og hr. Hákon Halldórsson... Þú verður bara að eiga það við sjálfan þig að sama hvað þú skrifar um mínar færslu þá snertir það mig ekki þar sem ég hef sem betur fer ekki sömu skoðun á málum og þú.

Lifið heil og haldið húmornum í lagi.

PS: fyrir ykkur sem getið bara hlegið að óförum útlendinga þá skoðið endilega:
http://www.darwinawards.com/

 

Íkveikjuvaldurinn fundinn?

"Sveitungarnir Guðmundur H Guðjónsson og Guðmundur Magnús Þorsteinsson bóndi á Finnbogastoðum í Árneshrepp virða fyrir sér húsið fara í eldinum þar sem ekkert var við ráðið. Því réðu vindur og vatnsleysi. Mbl.is/Sigurgeir"

Getur verið að Guðmundur Mangús Þorsteinsson bóndi á Finnbogastöðum standi þarna á myndinni með íkveikjuvaldinn?

	Finnbogastaðir brunnu til kaldra kola
Ábyrgðarmaður færslu Tenging við þessa frétt hefur verið rofin vegna kvartana.

Whitesnake? Stemmning?

Ég taldi mig svo heppinn að fá gefins miða á tónleika með hljómsveit sem einu sinni var mitt uppáhald, boy was I wrong! Hafði einnig farið á báða tónleikana með þeim fyrir 18 árum í hestaskemmunni í Víðidal og skemmti mér mjög vel. Ég er sannfærður um það í dag að ef Hr. Coverdale hefði sungið þar fyrir 18 árum þá hefði ég orðið fyrir sömu vonbrigðum og ég varð fyrir í gærkvöldi. Hinsvegar sá Pétur Kristjáns heitinn um söngin þá og gerði með stakri prýði.

Gaurinn sem einu sinni var idolið mitt staulaðist áfram um sviðið í gærkvöldi eins og villuráfandi kalkað gamalmenni sem missti röddina árið fyrir lurk. Einu (ó)hljóðin sem komu frá honum voru aumkunarverð öskur af og til en að öðru leiti fengu aðrir í bandinu að sjá um sönginn (sem líklega var öllum fyrir bestu).

Hr. Coverdale minntist alloft á þá tónleika sem Whitesnake hélt hér á síðustu öld og mig rennur í grun að hann sé búinn að gleyma því að hann steig varla á svið í það skipti, hvorugt kvöldið. "18 ár síðan" sagði gaurinn og fannst mikið til koma að í salnum í gær væru gesti sem ekki voru mikið eldri en 18. Hmm hann virtist þó ekki kveikja á því að nánast allir hljómsveitarmeðlimir hans eru vart eldri en það sjálfir enda búið að skipta út nánast öllum meðlimum hljómsveitarinnar frá því að sveitin var hér síðast.

Sviðsframkoma var einnig lítilfjörleg og sýndi Hr. Coverdale að hann kann aðeins 3 pósur og allar kynferðislegar... YIEKS mér varð hugsað til jafnaldra hans á elliheimilinu og fannst þessar pósur því frekar sorglegar. Ljósi punkturinn hjá þessu farlama gamalmenni er þó sá að hann virtist með á nótunum í hvaða borg og landi hann væri staddur því á milli nánast allra laga gargaði hann, af sinni alkunnu snilld..., "Reykjavik Iceland". Til að toppa það og reyna að vinna salinn bætti hann við orðinu "Viking" af og til.

Ef einhver spyr hvort að það hafi ekki verið stemmning í höllinni þá jú... á meðan Sign hitaði upp var gríðarlega góð stemmning. Það verður þó að segja Whitesnake til bóta að eins og þeir voru skipaðir í gærkvöldi voru hljómlistamennirnir sem spiluðu með Hr. Coverdale mjög góðir og sungu líka ágætlega, ólíkt aðalatriðinu.

Þegar allt er saman tekið hefði ég betur setið heima í faðmi fjölskyldunnar í gærkvöldi.

Kveðja
Bunki

Stemmning á tónleikum Whitesnake