Aukalíf BT músarinnar!

Fékk þessa mynd senda í tölvupósti áðan. Fannst hún nokkuð góð

BT verslanir undir hatt Haga

Bílaumboð á villigötum - eða ég

Hef rekist nokkrum sinnum á auglýsingu frá bílaumboði hér í bæ þar sem boðið er upp á BMW Xpo upplifun sem nýja leið til að kynnast þessum þýsku lúxusbifreiðum. Verandi mikill áhugamaður um slíka bifreiðar las ég áfram með áfergu og hugsaði gott til neysluglóðarinnar.

Þarna kom fram að þetta Xpo kerfi hafi verið framleitt sérstaklega til að auðvelda sem flestum að aka um á BMW bifreiðum. Allt þetta fyrir afar lága mánaðarlega greiðslu segja þeir svo ég las lengra.

Kr. 72.900 til 84.900 á mánuði, fer eftir gerð....

72.900 kr. á mánuði... er ekki allt í lagi!!!???

Hvort er það bílaumboðið eða ég sem er svona hrikalega úr takt við umhverfið? Bílaumboðinu að finnast 72.900 vera afar lág upphæð eða ég að fá sjokk yfir því hvað þetta eru háar tölur.

Jaa... kannski þarf ég að endurskoða hugarfar mitt um lágar upphæðir og semja um hærri laun á vinnustað mínum eða á ég kannski bara að vera ánægður með það hugarfar að þetta sé fáránlega há upphæð á mánuði og láta það alveg vera að hugsa um að krækja mér í þýska lúxusbifreið á BMW Xpo upplifun og tómt peningaveski.

Það er kannski upplifunin sem þeir eru að bjóða... bergmál í peningaveskinu.

Kveðja,
Bunki - en á gamla bílnum

Og krónubréf í ofanálag

Við erum ekki bara að horfa á að gengisvísintalan hafi í fyrsta skipti verið yfir 160 stig í lok viðskiptadags heldur stefnir í skemmtilega (...eða ekki) lokun vikunar þar sem krónubréf að nafnvirði 15 milljarða falla í gjaldaga í vikulok. Ég held að engin sé í vafa um það að þeim aurum verður ekki endurfjárfest vegna aðgengis að erlendum gjaldeyri.

Síðari hluti árs er ekki fegurri þegar litið er til þess sama. Þetta er glæsilegt ár... eða þannig.

Gengi krónunnar aldrei lægra