Að bresta á gæs

Nú styttist óðum í að gæsaveiðitímabilið hefjist. Hér sit ég með kláða í fingrum og hlakka til að fara til fjalla á miðvikudaginn og ná mér í nokkrar heiðargæsir í matinn.

Hópurinn er á kafi í að gera klárt, taka til veiðidótið og pakka niður. Allur gírinn tekinn með. Upp kom hugmynd að kaupa okkur saman veiði ökutæki en sú hugmynd var fljótlega flautuð út af borðinu sökum efnahagsástands og vegna þess að ökutækið væri nú líklega ekki til margs brúklegt.

Við félagarnir höfum haft það fyrir reglu að halda til fjalla sólahring áður en veiðitímabilið hefst til að koma okkur fyrir og fylgjast með hegðun fuglanna til að geta staðsett okkur sem best þegar veiðin hefst. Þó tilgangurinn sé að veiða fuglinn þá er alltaf jafn gaman og þægilegt að liggja úti í nátturunni og fylgjast með hegðun dýranna.

Því miður það svo að einhverjir "gunslingers" geta ekki farið að lögum og reglum og þurfa að skjóta fuglinn áður en veiðitímabilið hefst. Höfum við all oft orðið varir við skothríð á heiðunum 2 til 4 tímum áður en tímabilið hefst. Auðvita gagnast ekkert að siga lögreglunni á þessa aðila sem ekki hafa stjórn á hegðun sinni þar sem lögreglan er yfirleitt marga klukkutíma í burtu og næði ekki til viðkomandi fyrr en eftir að veiðtíminn hefst, þ.e. eftir miðnætti. Kannski væri ráð hjá lögreglunni að vera með virkt eftirlit á heiðum dagana fyrir tímabilið og að sjálfsögðu einnig þegar veiðitímabilið er hafið.

Við verðum allavega ekki til vandræða.

Lifið heil í bili.....