Bensín hækkar á miðnætti !? já og ný (ó)lög?

Nýtt skúbb. Bensín hækkar á miðnætti um tugi króna. Sjáum hvað setur.

Ný lög sem taka gildi strax og heimila fjármálaeftirlitinu að yfirtaka fjármálafyrirtæki í landinu orðið að veruleika. Þó hugsanlega sé þetta eina færa leiðinn að mati stjórnvalda er þetta samt aðför að lýðræði landsins og hins frjálsa efnahags. Áhyggjur vaxa að hér verði komin á viðskiptahöft strangari en nokkurntíman fyrr. Kvótar settir á innflutning til að vernda íslenska framleiðslu og halda viðskiptum innanlands. Allt gott og vel en hver heilvita maður sé að það gengur aldrei til lengdar.

Allt sem lagt er til af hálfu ríkisstjórnar eru skammtímalausnir. Hvað er með langtímalausnir? Íslendingar vilja líka vita hvað ríkisstjórnin ætlar sér að gera til lengri tíma.

Innistæður íslendinga eru tryggðar tönglast ráðherrar á ótt og títt. Hmmm eitthvað segir mér að meirihluti íslendinga eigi ekki innistæður í bönkun heldur bara skuldir, utan séreignasjóða vegna lífeyris. Snýst þetta kannski bara um að bjarga einhverjum gæðingum sem eiga peninga og eru í raun ekki í neinum vandræðum? Aðspurð um hvað gera skal til aðstoða landsmönnum með erlendar skuldir tala ráðherra einungis um húsnæðislán sem Íbúðarlánasjóður á að taka yfir. Hvað með íslendinga sem erum með annarsskona erlend lán? Lausafjárlán, bílalán og þ.h?
Ekki þýðir að segja... "seldu bara bílinn!" því það er engin markaður fyrir notaða bíla auk þess sem margir eru í þeirri stöðu að áhvílandi erlend bílalán eru oft orðin hærri en verðmæti bílsinns. Það þarf því meira að koma til.

Hlakka til að sjá það í fréttum á morgun að Fjármálaeftirlitið hafi strax látið til skara skríða samkvæmt nýrri lagaheimild og tekið yfir t.d. Landsbankann og kannski eitthvað meira.

Lifið heil.

Ný lög um fjármálamarkaði

Athugasemdir

[Sendiboðinn (IP-tala skráð) 6.10.2008 kl. 23:50]

Nú helt ég að Landsbankinn sé farinn á hausinn þar að segja að lán hans hafa verið látinn falla onn á hann. Það er það sem allir þessir kallar eru að fela það er mín tilgáta!!!!!!